"ئاسمانە ناسکەکانم دوور مەڕۆن"

  جەمشید بەهرامی
Jamshid Bahrami

ئاسمانە ناسکەکانم دوور مەڕۆن
بۆ پەپوولەکانی کوردستان لە پاریس!
جەمشید بەهرامی
بۆ سێ تێکۆشەری کورد بە ناوەکانی سەکینە جانسز، فیدان دۆغان و لەیلا سویلەمەز، کە له‌ رێکه‌وتى ٩ى مانگى یه‌کى ٢٠١٣ لە پاریس شەهید کران.
ئیمشەو تەنیا بێ جەستەی زەبوونم
دیسان سەرواز کەرد دڵەی پڕ هوونم١
لە باکوورە ئامێزتان بۆ خەونی مێژوویەک ئاوەڵا کرد، لە رۆژهەڵاتەوە خەونی د.قاسملووتان لەگەڵدا بوو و ئاوێتەتان دەکرد بە بۆنی خەونی کاک سدیقی کەمانگەر و مێژووی گەلێکی بەش مەینەتەوە؛ لە باشوورەوە لە ئامێزی خەونەکانی لەیلا قاسم‌دا وچانتان دەدا و لە رۆژئاواوە خەونی مەشعەل تەمۆتان دەکردە هەوێنی بیرتان.
میژووی تراژدیاکانی گەلتان ئەم دیو و ئەو دیو دەکرد، بینتان دەنا بە بینی رابردووەوە و هاواری چەندین ساڵەمانتان غار دەدا...
خەونە زڕاوەکانی کیژۆڵە چاوگەشکانی ئەم دەڤەرەتان هەڵدەدایەوە، و دەتانپێچاند لە بوخچە و چارۆگەی هزرتانەوە...
سەد مەخابن باروبنەتان پێچایەوە و کۆچان...
رۆشتن،رۆشتن لە وێنەی پەپوولە باڵ رەنگینەکان، و سەرێکی وڵاتی مەلانتان دا...
بە پسکەیەک دێنەوە و لەگەڵ من و مۆمی سەر کورسیەکەم و جگەرەکەی هاوڕێم وچانێک دەدەن، زۆرتان پەلەیە:
شڵەژاون ئاڵۆزاون
زۆر خەمینن، نیگەرانن (بۆ درێژەی بابەت لێرە کرتە بکە)

چەمکە سیاسییە بنەماییەکانی کوردستان

هیوا سەلیمی                              حسێن ئەحمەد بوور
Jamshid Bahrami

چەمکە سیاسییە بنەماییەکانی کوردستان 

بەشی یەک: بزووتنەوە و حیزب لە کوردستاندا

لە وتووێژ لەگەڵ بەڕێزان هیوا سەلیمی و حسێن ئەحمەدپوور

دیمانە: جەمشید بەهرامی

ئەم وتووێژە لە بەرواری٢٣/١٠/٢٠١٢ لە سایتەکاندا بڵاو بوەتەوە.

ئاماژە:
کۆمەڵێک چەمکی بنەمایی هەن کە تەنانەت بۆ هەندێ لە کاراکتەرە سیاسییەکانی پانتایی بزووتنەوەی کوردستان نامۆیە،یان لانیکەم هەر کەسەو خوێندنەوەیەکی خۆماڵی بۆ ئەو چەمکانە دەکات.
بزووتنەوە،حیزب و پێوەندی نێوان ئەو دوو چەمکە لە کوردستان‌دا؛ و هەروەها کۆمەڵێک پرسی بنەمایی دیکە هەن کە زۆر بە جیدی بوێرانە و زانستیانە ئاوڕێ لێ نەدراوەتەوە، و هەر ئەوە بوەتە هۆی ئەوەی کە شۆڕش بە گشتی لە کوردستاندا گرێدراوی ژێرخانێکی مەعریفی ئەوتۆ نەبێت.
ژێرخانی مەعریفی بزووتنەوە پێوەندی راستەوخۆی بە گەشە و بە ئاکام گەیشتنی ئامانجەکانی بزووتنەوەوە هەیە؛ لە نەبوون یان لاواز بوونی ئەو ژێرخانەدا، بۆشاییەکی زەبەلاح لە پێکهاتەی بزووتنەوەدا خۆدەنوێنێ، و راستەوخۆ دەبێتە هۆی خەسارێک لە بزووتنەو و هەر بەو پێیەش هێزەکانی بزووتنەوە و  پرسۆناژەکانی بەشداربووی بزووتنەوە زۆرترین خەساریان لێدەکەوێت.
لە لایەکی دیکەوە بێگومان بزووتنەوەی کوردی بە کاراکترە بەشداربووەکانیەوە تا ئێستا نەیتوانیوە سەردەمیانە ئاوڕ لە چەمکێک بە ناوی " رەخنە " بداتەوە، درووست کردنی توێكڵێکی خۆخولقێنەری پۆڵایین بە دەوری تاکەکان و هێزەکانی بەشدار بوو لە بزووتنەوەی کوردیدا، و نەرەخساندنی هەلێک لە بەرامبەر ئەویدی‌یەکی کورد‌دا!(نەک ئەویدی داگیرکەر) کە بتوانێت بە هاسانی رەخنە بگرێت و بەرامبەرەکەیشی بە دڵێکی فراوانەوە رەخنەی لێوەربگرێت، یەکێکی دیکە لەو خەسارانەیە.
بە دڵنیاییەوە رەخساندنی هەلێک بۆ دیالۆگ و کردنەوەی دەرگایەک بەڕووی رەخنەدا و سنگ‌فراوانی لە بەرامبەر رەخنەدا، بزووتنەوەی کوردی دەباتە قۆناغێکی دیکەوە و هەرەس بە هەورازە وشک و تاقەت پڕووکێنەکانی لێک تێنەگەیشتن دێنێت.
هەر بۆیە بە هەست کردن بەو پرسانە و هەوڵ بۆ دابین کردنی دیالۆگ و لێک تێگەیشتن،و هەروەها ئاوڕدانەوەیەکی زانستیانە لەو پرسانەی کە ئاماژەی پێکرا، کۆمەڵێک پرسیارم ئاراستە ی هەر کام لە بەڕێزان: چالاکی سیاسی و رۆژنامەنووس کاک هیوا سەلێمی و هەروەها چاودێری سیاسی و رۆژنامەنووس کاک حسێن ئەحمەد پوور،کرد.(بۆ خوێندنەوەی وتووێژەکە لێرە کرتە بکە)