 |
| سێهەمین کۆنفرانسی شانۆکارانی کورد لە ئەوروپا |
سێهەمین کۆنفڕانسی شانۆکارانی کورد لە ئەوروپا بە بەشداری شانۆکارانی کوردی هەر چوار پارچەی کوردستان،و هەروەها شانۆکارانی وڵاتانی کۆلۆمبیا، بڕازیل، سووریا و ئاڵمان لە رۆژەکانی 6،5،4ی مانگی ئوکتۆبر لە وڵاتی ئاڵمان لە شارەکانی میونشن و نورنبێرگ بەڕێوە دەچێ.
ئەم کۆنفڕانسە لە لایەن شانۆکارانی کورد لە ئەورووپاوە رێکخراوە، و مەبەستی سەرەکی
ئەم کۆنفڕانسە کردنەوەی دەلاقەیەکی زانستی بەڕووی شانۆ لە کوردستان‌دایە، و
هەروەها کۆنفڕانس هەوڵ دەدات بە درووست کردنی مەکۆیەک شانۆکارانی کوردی تاراوگە لە
دەوری یەک کۆبکاتەوە. (بۆ درێژەی بابەت لیرە کرتە بکە)
رۆژەکانی کۆنفڕانس:رۆژی یەکەم:
رۆژی هەینی 4ی مانگی ئوکتۆبری 2013 سەعاتی 6ی دوانیوەڕۆ رێوڕەسمی کرانەوەی کۆنفڕانسەکە بە خوێندنەوەی وتاری کۆنفڕانسەکە بە زمانی کوردی و ئاڵمانی لە لایەن بەڕێوەبەرانی کۆنفڕانسەکەوە دەست پێدەکات.
ئەم بەڕێزانەش وتار پێشکەش دەکەن:
بەڕێز ئۆتۆ ئۆفا ئەکتەر و دەرهێنەری کۆلۆمبیایی و بەڕێوەبەری شانۆی شڤابن هاوسن
بەڕێز خاتوو ئانێتە شپیلدینەر شانۆکاری ئاڵمانی
خاتوو ڤیڤیەن شانۆکاری بەرازیلی
رۆژی دووهەم:
رۆژی شەممە 5ی مانگی ئوکتۆبری 2013، تەرخان کراوە بۆ پێشکەش کردنی چەندین سمیناری زانستی لە سەر شانۆی کوردستان.
ئەم سمینارانە پێشکەش دەکرێت:
- بەرێز مەهدی جاف (وڵاتی سوید)؛ سمینار لە ژێر ناوی "تەنگەژەی کولتور پۆلەتیکی شانۆ لە کوردستان"
- بەرێز جەمشید بەهرامی (وڵاتی ئەڵمان)؛ سمینار لە ژێر ناوی "شانۆ لە رۆژهەڵاتی کوردستان"
- بەڕێز خاتوو ئاوات سەدیقی (وڵاتی ئەڵمان)؛ سمینار لە ژێر ناوی "تایبەتمەندییەکانی شانۆیی لە چریکەی کوردی‌دا"
- بەڕێز د.شوان جافەر دانیشتووی (وڵاتی فەڕەنسە)؛ سمینار لە ژێر ناوی "رۆڵی شانۆ لە کاری رامیاری‌دا"
- بەڕێز هاوڕێ زەنگەنە (وڵاتی ئەڵمان)؛ سمینار لە ژێر ناوی "شانۆ وەکوو هزر بۆ ئیستاتیکای دانوستاندێکی نوێ
- بەشی کۆتایی تەرخانکراوە بۆ گفتوگۆی کراوە
رۆژی سێهەم:
رۆژی یەکشەممە 6ی مانگی ئوکتۆبری 2013، رۆژی پلۆنۆمی تایبەت بۆلێدوان و گفتوگۆ لە سەر دەزگای شانۆکارانی کورد لە ئەورووپا و چۆنیەتی درووستکردنی تۆڕێک بۆ شانۆکارانی کورد لە ئەورووپا.
